Wilayat-e-Anbiya aur Wilayat-e-Auliya
The Jurisdiction and Authority,Guardianship of the Messenger's of Allah and Guardianship of the Saints of Allah.
<span style="color: black;"><span style="font-size: 28px;"> (ندائے خلافت - 2025 | شمارہ نمبر 42)۔ </span><br> <p> سید احمد شہیدؒ نے ولایتِ انبیاء اور ولایتِ اولیاء کی تشریح پوچھی تو شاہ اسمٰعیل شہیدؒ نے فرما یا کہ جس شخص کو ولایتِ اولیا ء عطا ہوتی ہے،وہ دن رات ریاضت و مجاہدات،صوم و صلوٰۃ اور کثرتِ نوافل میں مشغول رہتا ہے،لوگوں کی صحبت پسند نہیں کرتا۔چاہتا ہے کہ گوشئہ تنہائی میں خدا کی یاد سے لذت اندوز ہوتا رہے۔اُسے فاسقوں اور فاجروں کو نصحیت سے کوئی سرو کار نہیں ہوتا ،صوفیاء کی اصطلاح میں اسے ’’قرب بالنوافل‘‘کہتے ہیں۔</p> <p>ولایتِ انبیاء کا درجہ جس خوش نصیب کو مرحمت ہو،اُس کے دل میں محبتِ الٰہی اِس طرح سما جاتی ہے کہ اس کے سوا کسی چیز کی گنجائش باقی نہیں رہتی۔وہ ہر وقت بندگانِ خدا کو نیکی کی راہ پر لگانے کے لیے کوشاں رہتا ہے۔مرضیات باری تعالیٰ کے کسی کام میں دنیا داروں کے طعن کی پروا نہیں کرتا۔وہ توحید کی اشاعت میں بے خوف اور سننِ رسول پاک ﷺ کے احیاء میں بے باک ہوتا ہے۔ضرورت پیش آئے تو مخالفوں کے ساتھ مجاہدات میں مال و جان قربان کرنے میں متامل نہیں ہوتا۔وہ للہ فی اللہ تمام محفلوں اورمجلسوں میں جاتا ہے،سب کو وعظ و نصیحت سناتا ہے۔اس کارِ خیر میں جو تکلیفیں اور اذیتیں پیش آئیں اُن پر صبر کرتا ہے۔اس اصطلاح میں ’’قرب بالفرائض‘‘ کہتے ہیں۔</P> <p style="text-align: center;"> تحریکِ شہیدین جلد اوّل ( مولانا غلام رسول مہر ؒ )